Biele, biele e biele!

Se propit si à voie di lâ a cirî il pêl tal ûf (ma pardabon cul microscopi!) o metarès sot de lint la sielte dal autôr di 'celestissim' par rindi 'azzurrissimo' .
Cundut che e je la peraule clâf de microconte, jo (jo, eh!) forsit o varès scrusignât par cjatâ fûr une altre forme (cence volê colâ cun chest intal iperpûr e ricognossint che la fuarce di 'azzurrissimo' inte version taliane e je grandonone).

Mi plasarès sintî cualchi parê sul argoment.

In ogni câs o sieri cui compliments a Raffaele

Mandi.
Gianfranco

Scusait, ma no soi bon di scribaccià furlan e alore: "celestissim" è perfetto, perché il raccontino suggerisce di invertire i punti di vista di una doppia metafora, anche in relazione al sorgere e calare del sole (vita) dove Vigij (notate che è in terace) vede il microcosmo di un granello perso nello spazio e, e qui Raffaele è acutissimo, fattasi sera guarda le costellazioni, dove il cielo
è celestissim, mai azzurrissimo, a volte coperto.
La conte l'ho letta subito in questo modo, poi l'ho riletta e mi sono emozionato nel ri-farsi della suggestione.
Frank Spada.
PS A proposit, sior ostiir, o ai viodut che tu as smiciat a Google che o soi di Udin e alore, par tigni il bal cal bati sul brear, ti mandi une segnalazion in te to mail. Madonne ce acrobaciis! Mi perdonaiso?

O precisi: no jere une cuistion di sielte dal vocabul par voltâ 'azzurrissimo'. 'Celest' al va benon.
O volevi riferîmi ae sielte dal sufis 'issim' par rindi il grât assolût dal adietîf.

Mandi
Gianfranco

O concuardi cun Gianfranco: il sufìs "-issim" nol sune ben par furlan. E je vere che "celeston" o "une vore celest", o "celest che mai" nol varès però rindût compagn. Forsit alore in alternative la propueste e pues jessi chê di zontâi a "celest" o un adietîf o ben di specificâlu cun cualchi metafore o similitudin. Il gno coment, dut câs, al è dome in mert a chel sufìs: pal rest, o cjati la conte straordenarie.

Scusait, al #4 o ai scrit jo. Mi è scjampât il non da pît.
L'Antescûr

Scusait un'altre volte, dopo ho cjapi une roncule e zac tai des. A mi, mi intaressares ce co pensais dal contenut de conte, par controlà se soi mat dome jo o ance l'autor, tignut cont co hai il voli (eeh, ho ai imparatat a no di ueli, veh) celest come chel cil di Vigij.
Bon, bon o voi vie. Scusait.
Un pseudonim ignorant, a l'ombre di un curtiss.

Celestin o celestissim e laressin ben, si. Mi pâr ancje un omagjo a Lelo Cjanton, soterât sabide. Parcé che andé alc di poetic (Scusait il gno "andé" ma lu cjati plui pratic), ch'al mi plâs une vôre.
Jaio

A questo punto, vi ri-chiedo, se possibile, di dire le vs impressioni, interpretazioni, suggestioni circa il CONTENUTO del racconto, celeste, celestissimo e dintorni accantonati.
Grazie.
Frank Spada

Mandi a ducj
e grazie par ducj i preseaments de Conte.
Gianfranco al à reson sul fat dal celestissim, tant l'è vêr che o ai pensât une vore prima di fâ la voltadure in chê maniere.
Il fat al è che a veve di restâ une sole peraule, e no plui di uno, propit parcè che la clâf par "vierzi la conte" e sedi propit piçule.
Jo par altri, non mi speti che si rivi adore a capî dut, di cheste conte, e se o rivais o soi une vore content.
Par rispuindi a Frank o pues dome dîsi che dentri a varessin di jessi "4 monts" (trê si viodin, un si pues dome imagjinâ)

Par celestissim o pensarai inmò, ma tant o sai che al restarà cussì :)

mandi! e graciis dai coments!

Secont me la conte e vierç la imagjinazion no dome su trê monts ma suntune infinitât di monts, sei viers il grant sei viers il piçul. Mi soi divertît une vore, di mûl, a pensâ al Univiers in chesj tiermins, vadì a pensâ di sei intune molecole di un jessi zigantesc e intal stes timp di vê, intune gote di sanc, une schirie di galassiis, imensis par chei che e son a stâ didentri. La idee è à une vore di atrat.

Ma "in sogjetive", sul voli blavonon come che al fâs culì l'autôr, in maniere cussì vive, no mi veve mai capitât di imagjinâlu.
Par chest o torni a fâi i compliments a Raffaele, sperant di contentâ ancje Frank.

Us sugjerìs, infin, di lâ a lei
http://www.ermydesign.it/Pagine/astronomia/infinito/infinito.htm

Mandi
Gianfranco

Gianfranco,
tu astu let "tre millimetri al giorno" di Matheson (chel di "Io sono leggenda")
a mi mi è plasut une vore, secont me ti plasarès
:)
mandi
Raffaele

Graciis. Lu ai ordenât.
Par tornâti la cortesie, viôt se tu cjatis "Di cose accadute in paesi lontani" di Domenico Cerroni Cadoresi.

Mandi.
Gianfranco

Orpo, cussì su la fiduce? :)
Jo mi soi segnât il to, pene che smaltis lis leturis su ordenazion voi a cirîlu
:)

E je vere: al è un zûc di "matrioska" che no si sa li che al tache ni li che al finìs, tant che la imagjin di un spieli che si spiele intun altri, al infinît. Ma, judât salacor ancje de imagjin che e compagne ben la conte, no ai podût fâ di mancul di pensâ a une leture ulteriôr, vâl a dî a chê di un spieli/voli finâl là che dut al rive insom e li che si dîs che al cjati completece dut il divignî e stramudâsi teren. O feveli dal Voli che si viôt dispès rapresentât te iconografie cristiane, par solit sierât dentri un triangul: il voli di Diu, chel voli "celestissim" che al da la voglade definitive, chê che e siere in se ducj i monts e ducj i voi, ducj i senaris dal infinît plui piçul al infinît plui grant.
Di là dal crodi o mancul, a mi, dopo de prime leture, mi è vignût chest pinsîr tal cjâf.
Ultime considerazion: le ai lete ancje par talian. O sarai di part, ma par furlan mi à plas cetant di plui. Bulo Raffaele!
L'Antescûr

Interessantis e centradis chestis considerazions dal Antescûr. Dome un freghenin aristotelichis, o disarès.
In efiets, l'om al à ce fâ a concepî l'infinît, parcè che si cjate, propit come Vigji, intal mieç fra il grant e il piçul, fra i doi abìs dal nie e dal dut, come che al dîs Pascal.
Al à bisugne di fermâsi, di dâsi une spiegazion, di cjatâ une cause, fint a rivâ a une Cause Prime, se no no si bone. Ma chest al sucêt ancje par colpe dal so mût definît, tant che sogjet, di podê cognossi lis robis, un mût par di plui peât cun chês che a son lis sôs proiezions e i siei desideris, daûr di une linie di pinsîr ben cognossude che e va di Kant (pe teorie de cognossince) a Feuerbach (pes ideis su Diu).
Se si ten cont ancje di chest, mi somee che la conte di Raffaele e vedi rimpins plui modernis di chei che nus podaressin fâ pensâ lis notis dal Antescûr.
In sumis, par me, il cîl-voli metût li tal mieç, al è plui dongje di Pascal e dai disvilups dal so pinsîr sul infinît e plui distant dal Motôr Imobil di Aristoteles.

Pfiiiuuu!! Mandi
Gianfranco

PS Cuissà, veh, Gnagne Lene e la Gjildine ce che a disaressin ;-)))

.